婦人家平常時節係有甲狀腺、高血壓、糖尿病，抑係自體免疫病，想愛夯人定著愛細義。在第一孕期(頭13禮拜)血糖忒高，會打著胞衣血管个生長，所以胎兒會較細；半中央血糖正蹶高个 (妊娠性糖尿病) 嗄顛倒過來，因為胎兒領著忒多糖，會轉做脂肪，恁樣會變忒大，超過 4000 g 安到巨嬰兒仔，恁樣想愛摎細人仔降出來斯無恁該。血壓無控制、歲數大（≥40) 怕乜會加添「子癲」个機會。另外胎盤(包衣)無正、降子過程拖忒久，已會潑血，加已危險。
客拼
fu+ ngin gaˋ pin shong shi zied heˇ rhiuˋ gab cong+ sienˇ 、 goˋ hied ab 、 tong ngiau+ piang+, rha+ heˇ cii+ tiˊ mienˋ rhidˋ piang+, siongˊ oiˇ hongˋ ngin tin+ chogˋ oiˇ seˇ ngi+. cai+ ti+ rhid rhiunˊ ki ( teu shibˋ samˋ liˋ baiˇ ) hied tong ted goˋ, voi+ daˊ doˊ bauˋ rhiˋ hied gonˊ gaiˇ senˋ zhongˊ, soˊ rhiˋ toiˋ rhi voi+ haˇ seˇ; banˇ dungˋ ongˋ hied tong zhangˇ kiedˋ goˋ gaiˇ ( rhimˊ ngiˊ sinˇ tong ngiau+ piang+ ) saˇ dienˋ doˇ goˇ loi, rhinˋ vui+ toiˋ rhi liangˋ doˊ ted doˋ tong, fui+ zhonˊ zoˇ zhiˋ fong, an ngiong voi+ bienˇ ted tai+, chauˋ goˇ siˇ cienˋ g onˋ doˇ kiˋ oˋ nga er, an ngiong siongˊ oiˇ lauˋ seˇ ngin er giungˇ chud loi sii+ mo anˊ goiˋ. hied ab mo kungˇ zhiˇ 、 soiˇ siiˇ tai+ （ ≥ siˇ shibˋ ) paˇ meˇ voi+ gaˋ tiamˋ 「 ziiˊ dienˋ 」 gaiˇ giˋ fui+. nang+ ngoi+ toiˋ pan ( bauˋ rhiˋ ) mo zhinˇ 、 giungˇ ziiˊ goˇ chang toˋ ted giuˊ, iˋ voi+ pad hied, gaˋ iˋ ngui hiamˊ.
華文摘要
婦女平時若有甲狀腺、高血壓、糖尿病或是自體免疫病，想要懷孕就得注意。在第1孕期(前13週)血糖過過，會阻礙胎盤血管的生長，所以胎兒會變小，到中間血糖才爬高的(妊娠性糖尿病)就會顛倒，胎兒獲得太多糖會轉成脂肪，這樣會變太大，超過4000克叫做巨嬰，想要生(出來)就不容易。血壓不控制、歲數大(≥40)可能也會增加「子癲」的機會。另外胎盤不正、生產過程拖太久，非常會血崩，危險得多。
發表迴響