朱子宏 I-sir 兒科/遺傳專字第 63 號

阮的台語智庫這禮拜影著新聞，好玄來稽考。窮真鼻空參大腦隔一重「篩骨」(ethmoid bone)若薄板，向時捌聽見實習醫師囊鼻胃管煞黜破腦。你若手賤定去挖，無定皮膚面頂的「葡萄狀球菌」(#707) 紲手沐著鼻黏膜，彼號菌會放物害鼻空的性 hoo-lú-bóng 落，大腦的多巴胺 (#173, #764) 接紲落低。內中一寡種有帶抗藥基因，不幸去穢著就僫醫。閣有一款「肺炎披衣菌」若軁過鼻覺神經(嗅神經, #213) 到大腦寄生，凡勢會擾亂神經元代謝，澱粉舅結規 tèr，Alzheimer 都是按呢起–ê。

Guán ê Tâi-gír-tì-khòo tsit lé-pài iánn-tio̍h sin-bûn, hònn-hiân lâi khe-khó. Khîng-tsin phī-khang tsham tuā-náu keh 1 tîng “su (sir?)-kut” (ethmoid bine) ná po̍h-pán, hiàng-sî pat thiann-kìnn si̍t-si̍p-i-sir long phī-uī-kńg suah thuh phuà náu. Lír nā tshiú tsiān khìr óo, bô-tiānn phêr-hu bīn-tíng ê phû-tô-tsōng-kiû-khún (707) suà-tshiú bak-tio̍h phī-liâm-mo̍oh. Hit-lō khún ē pàng mn̍gh hāi sìng-hoo-lú-bóng lak, tuā-náu ê to-pa-an (173, 764) tsiap-suà lo̍h-kē. Luē-tiong tsi̍t-kuá tsíng tài khòng-io̍h ki-in, put-hīng khìr èr–tio̍h kō oh i. Koh ū 1 khuán “hì-iām-phi-i-khún” nā nǹg kèr phī-kak-sîn-king (hiù-sîn-king, 213) kàu tuā-náu kià-sinn, huān-sè ē jiáu-luān sîn-king-guân tāi-siā, tiān-hún-kú kiat kui tèr, Alzheimer to sī án-ni khí–ê.

守護醫學誠信，查核醫療事實：[查看閣較濟真相查核報告]

Ref:

1. Nasal Staphylococcus aureus carriage promotes depressive behaviour in mice via sex hormone degradation
2. Nasal carriage of MRSA among clinically affiliated undergraduate students at the College of Health and Medical Sciences, Haramaya University, Ethiopia
3. Chlamydia pneumoniae can infect the central nervous system via the olfactory and trigeminal nerves and contributes to Alzheimer’s disease risk

來看朱醫師挽瓜揫藤揣真相